Iha loron 18 no 19 fulan-Setembru, Komisaun Nasional Desportu (KND) hala’o formasaun Anti-Doping Education and Learning (ADEL) iha Sala Enkontru Cruz Vermelha Timor-Leste (CVTL) iha Bairro Formosa, Dili. Sesaun sira-ne’e ho objetivu atu eduka atleta no pesoál apoiu Athlete (ASP) kona-ba prátika anti-doping no prinsípiu desportu ne’ebé moos, hodi konklui ho partisipante sira hetan sertifikadu ADEL.
Formasaun ida-ne’e partisipa husi partisipante na’in 17 husi Federasaun Nasional Timor-Leste Taekwondo iha loron 18 fulan-setembru. Iha loron 19 fulan-setembru partisipante na’in 27 husi Federasaun Badminton Timor-Leste no Federasaun Sikliku Timor-Leste hola parte iha programa ne’e.
Iha sesaun sira-ne’e nia rohan, partisipante sira hotu hetan sira-nia sertifikadu ADEL ho susesu, hodi ekipa tan sira-nia koñesimentu atu apoia padraun anti-doping iha kompetisaun nasionál no internasionál sira. Ida ne’e marka pasu signifikativu ida tan hodi promove jogu justu iha komunidade desportivu Timor-Leste nian.